Ka kaluar një muaj e gjysmë që kur ka përfunduar afati për të gjithë zyrtarët e lartë publik për deklarimin e pasurisë.

Por, në faqen e Agjencisë kundër Korrupsion ende nuk janë publike të gjitha pasuritë, shkruan arbresh.info.

Madje aty është bërë e ditur vetëm pasuria e disa prej deputetëve të Kuvendit të Kosovës dhe disa zyrtarëve të tjerë.

Ndryshe, procesi i deklarimit të rregullt vjetor të pasurisë ka filluar më 03.03.2020, por duke pasur parasysh situatën e krijuar me COVID-19, konform udhëzimeve dhe rekomandimeve të Institutit Kombëtar të Shëndetësisë Publike dhe Qeverisë së Kosovës, AKK ka shtyrë afatin e deklarimit të pasurisë deri më 19.06.2020, duke ofruar mundësi dhe kohë të mjaftueshme për të gjithë zyrtarët e lartë publik për deklarimin e pasurisë.

AKK kishte njoftuar se nga 4721 të zyrtarëve të lartë publik që kanë pasur për obligim ta deklarojnë pasurinë, 6 nuk e kishin deklaruar pasurinë me arsye, ndërsa 27 prej tyre nuk e kishin deklaruar pasurinë fare.

“Nga numri i përgjithshëm prej 4721 të zyrtarëve të lartë publik që kanë pasur për obligim ta deklarojnë pasurinë, 4625 zyrtarë të lartë publikë kanë bërë deklarimin e pasurisë brenda afatit të rregullt ligjor, 63 zyrtarë të lartë publikë kanë deklaruar pasurinë pas afatit të rregullt ligjor, 6 nga zyrtarët nuk e kanë deklaruar pasurinë me arsye, ndërsa 27 prej tyre nuk e kanë deklaruar pasurinë deri më tani”, thuhej në njoftimin e Agjencisë kundër Korrupsion.

arbresh.info ka raportuar për pasurinë e shumicës së zyrtarëve që tashmë AKK i ka bërë publike./arbresh.info/

Kjo është pasuri prej 2 milionë euro që Xhelal Sveçlës ia lanë prindërit

Blerim Kuçi me pasuri mbi 1 milion euro, vetëm veturën në vlerë 65 mijë euro

Deputeti i PDK-së ka pasuri mbi gjysmë milioni euro

Zëvendëskryeministri i parë i Kosovës me pasuri mbi 300 mijë euro